DE FRONTE á violencia de xénero é unha campaña e programa de actividades posta en marcha pola Área de Igualdade da Deputación da Coruña con motivo da conmemoración do 25 de novembro, Día Internacional da Eliminación da Violencia contra as Mulleres, que apela directamente á implicación dos Concellos da provincia, estendendo o chamado á acción a calquera outra entidade do tecido social, educativo, empresarial, familias, etc.
Poñemos á disposición de familias e persoal educador unha serie de recursos orientados a afondar no traballo DE FRONTE á violencia de xénero. Máis información.
Catro vídeos breves sobre ciberviolencia de xénero, grooming, sexting e sextorsión. Máis info.
Xogo interactivo para nenos e nenas: que sabes das violencias dixitais? Máis info.
Actividade xuvenil en formato Visual Thinking sobre tratamento e prevención da violencia de xénero. Máis info.
Escape Room para traballar en igualdade e de xeito cooperativo sobre tratamento e prevención da violencia de xénero. Máis info.
Nesta edición poñemos o foco nas violencias machistas en contextos de lecer, na festa e no ocio nocturno, tendo como público obxectivo principal a mocidade. Máis información.
Acto institucional coa participación de Caamaño & Ameixeiras. Terá lugar o venres 24 de novembro ás 10:45 no Pazo Provincial da Coruña.
Realización de 14 obradoiros onde se elaborarán micro pezas audiovisuais que aborden de xeito sinxelo e moi visual a complexidade das violencias sexuais en contextos de ocio nocturno e festas. Darán comezo o 9 de novembro e percorrerán varios concellos de toda a provincia.
Pílulas dixitais a pé de rúa: crearanse breves vídeos divulgativos con testemuños de situacións reais de agresións sexuais no contexto de ocio nocturno ou festa.
Entidades adheridas
Consulta aquí a listaxe completa de concellos e entidades adheridas á campaña.
