Materiais gráficos novas violencias machistas dixitais

As redes sociais non son todo o que parecen. Memes, vídeos ou outros comentarios que poden parecer inofensivos poden agochar violencias machistas. Aprender a identificalas é o primeiro paso para combatelas.

Nesta páxina tedes dispoñibles materiais e recursos para compartir e contribuír a visibilizar as violencias machistas dixitais.

Materiais campaña DE FRONTE ás violencias machistas dixitais

Os contidos desenvolven catro eixos temáticos prioritarios: Manosfera, fenómeno Tradwives, Valor no Mercado Sexual e uso non consentido da intelixencia artificial, ademais da una versión xenérica.

Tamén poñemos á vosa disposición fichas coleccionables con pasatempos. Unha forma diferente de reflexionar sobre temas tan complexos como a manosfera, as tradwives ou a manipulación a través da IA.

Aquí poderedes descargar a cartelería e os materiais para redes sociais correspondentes á nova campaña.

Campaña xenérica

Atoparedes dous tipos de materiais: uns listos para compartir e outros que poderedes personalizar coa vosa entidade, neste caso, para facilitar este proceso, inclúese unha breve guía explicativa na que se detalla como incorporar os logotipos das entidades colaboradoras.