Actividades 2024
As actividades desta edición están centradas na creación de recursos e outros materiais orientados a afondar no traballo contra as violencias machistas durante todo o ano. Irémolos colgando a medida que estean dispoñibles durante os meses de novembro e decembro de 2024 e xaneiro de 2025.
Algúns dos materiais nos que estamos traballando son:
- Gravación de 5 palestras en formato vídeo podcast que colgaremos na canle de YouTube da Deputación da Coruña e nesa páxina.
- Campaña: Mudemos a violencia por coidado, na que se conciencia sobre as ITS (infeccións de transmisión sexual).
- Guía de actuación ante situacións de violencia machista.
- Dous xogos interactivos.
- Actualización de recursos audiovisuais, literarios e pedagóxicos que se colgan semanalmente na sección Recursos.
Gravación de 5 palestras en formato vídeo podcast
As primeiras palestras xa están dispoñibles aquí e na canle de YouTube da Deputación da Coruña.
- Masculinidades igualitarias na loita contra a violencia de xénero. Dispoñible en YouTube.
- Abordaxe interseccional das violencias machistas. Dispoñible en YouTube.
- Violencia obstétrica e dereitos sexuais e reprodutivos das mulleres. Dispoñible en YouTube.
- Pendente de anunciar. Máis información proximamente.
- Pendente de anunciar. Máis información proximamente.
Máis información sobre as palestras:
Acto simbólico 25N
A Deputación da Coruña desde a súa Área de Igualdade propón levar a cabo nesta data un acto simbólico no que participen todas as entidades adheridas á campaña DEFRONTE.
Este acto ten por obxectivo conmemorar as vítimas mortais da violencia machista e pretende facer visibles as violencias que permanecen máis ocultas a través do achegamento a testemuños de mulleres que quixeron sacar á luz a súa experiencia. Así, proponse a lectura dun manifesto que avoga pola erradicación das violencias contra as mulleres e recolle extractos destas historias. Pretende ser unha chamada á toda a sociedade, entendendo a violencia como unha problemática social.
Descarga aquí a guía para a execución deste acto simbólico.
Edicións anteriores
Actividades desenvolvidas na edición de 2023.
Actividades desenvolvidas na edición de 2022.